Born, wo de Wind herkümmt - Charly Beutin
Ganz frisch und auf "Platt"
Born, wo de Wind herkümmt - von Charly Beutin
erschienen: Februar 2011
Moon Sound Records
Charly Beutin kümmt ut Rendsborg. Dor is he in eene Arbeitersiedlung groot worn. Und in düsse Tied dröömt he vun de groode, wiede Welt.
An' besten dröömt sik dat an den weltberöhmten Nord-Ostsee-Kanal. Links geiht dat na Skandinavien un Russland, rechts na Amerika un Panama.
Avers wie dat so is - int' Leven kümmt allens anners as du di dat dacht hest. Rainer, as he regulär heet, kun to Huus bleeven und müss ni rut in de Welt, se keem to em. Mit Rock 'n' Roll-Musik ut England un ut Amerika mit Blues-Musik. De Musikers speeln toerst in den Hamburger Star-Club un denn opt' Land. In dat „Clubhaus Saatsee” in Rendsborg kun Rainer se dat erste Mol in echt hörn und seen. Dor vun weer he so begeistert, de Musik hett em nich mehr loslaten. Sowat wull he ok. He leert dat Singen und Gitarre speelen, jüst as de beröhmten Musikers. In de 70er Johr gründt he siene erste „Charly Schreckschuss Band”. Mit düsse Jungs güng he op Tour dörch heel Düütschland un ook in't Utland. Ünnerwegens hett he ook ganz veel schnackt mit Radiolüüt. Und du schasst di wunnern: De Lüüt muchen dat geern hörn.
30 Johr un 10 Alben later:
Nu livt he jümmer noch in't Hart von Schleswig-Holstein in Lütt-Königsföer. Dagsöver is he Masseur in de Gemeinschaftspraxis mit sien Fru Hanna in Rendsborg. Dree Kinner hebbt de beiden - aver de sünnt all ut Huus. An Freedagabend, Sünnabend und Sünndag kinnst du Rainer nich wedder: Denn is he Charly und mookt jümmer noch siene Musik. He hett jüst een frische CD inspeelt („Wildes Herz & Klare Kante”). De Leeder sünd in hochdüütsch.
Nu kümmt eene CD mit ganz veel plattdüütsch. Se heet „Born, wo de Wind herkümmt!” Un dat stimmt ok. Un för Charly is düsse erste heel plattdüütsche CD as Wiehnacht un Ostern an een Dag. Dat harr he sik all siet lange Tied in' Kopp sett.
In dat erste Leed singt he vun Sleswig-Holsteen as weer dat een Hymne op siene Heimat. Vun düt Land is Charly vull begeistert, echt. Mit plattdüütsch kannst du ok hoorige Saken veel beeter seggen und singen, as dat in hochdüütsch geiht. Charly hett jümmer wat „mit Bedüüden” in siene Musik leggt. Dar kannst jümmer wedder tolustern.
Un de Rhythmus geiht di in de Been, dar kannst nich lang still sitten blieven un musst dat Danzbeen swingen.
Hier bestellen
|
| Newsletter |
|
|
 |
|
